تسجيل الدخول

طريقة عمل فطيرة المسخن

المطبخ
زاجل نيوز20 يناير 2016آخر تحديث : منذ 8 سنوات
طريقة عمل فطيرة المسخن
d

المقادير:
2وربع كوب دقيق 1 معلقة كبيرة سكر 2 معلقة صغيرة خميرة 1معلقة صغيرة ملح 3 معلقة كبيرة زيت ذرة كوب لبن دافىء للحشو: 2قطعة دجاج فيليه ملح وفلفل اسود بصل زيت سماق بابريكا للتلميع صفار بيضه
التحضير:
اولا بالنسبة للحشو
الفراخ اللى حتستخدميها عندك طريقتين لو عندك فراخ مسلوقة ومتبقية من يوم قبل كده
بتقطعيها قطع صغيرة
تحطى شوية زيت فى المقلاية وتحطى البصل تشوحيه
وتنزلى بالفراخ المسلوقة والبهارات
وعندك طريقة تانية
انتى تعملى فراخ زى الشاورما كده وتحشيها بيها
انا عملت الطريقة التانية لان مكنش عندى فراخ بايته وده شكل الفراخ
بالنسبة للعجين
نحط كل المكونات الجافة مع بعض
نحط 2 كوب دقيق الاول ونشوف حنحتاج الربع الباقى ولا لأ
نقلب المكونات مع بعض
وننزل بالزيت
وبعدين ننزل باللبن الدافى شوية شوية لغاية ما تلم العجينة(ممكن منحتاجش كوباية اللبن كلها)
نغطى العجينة ونسيبها ترتاح وتخمر
نفردها بعد كده
نفرد العجينة بالشكل اللى فى الصورة كده
نحط الحشوة وتكون بردت
نقفل من فوق الاول
وبعدين نبتدى ناخد طرف من ناحية ونقفل عليه بطرف من الناحية التانية
وهكذا لغاية الاخر
قبل ما نوصل للاخر نقفل برضه الجزء اللى تحت
نحطها فى صينية تخمر تانى
وندهنها بالبيض
الطبخ:
نخبزها فى فرن سخن على 180 لمده نصف ساعة تقريبا

رابط مختصر

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *


شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.