المقادير:
2 معلقه دقيق 2كوب لبن 1كوب شوربه سمنه وزبده او زيت فلفل الوان او اخضر مقطع جوليان شرائح بصل ماشروم للتتبيل معلقتين مسطرده 2 فص توم معلقتين خل روز مارى ملح وفلفل اسود
التحضير:
نحضر شرائح اللحم بتقطيعها
غسلتها وجففتها بمناديل المطبخ
تبلتها من كل جانب برشة من الملح والفلفل الاسود
فى طبق عميق نضع مكونات التتبيله
نخلطها جيدا ونضع فيها شرائح الاستيك ونغلفها ونتركها فى التلاجه
ساعتين او اقل او اكتر
بس الفكره ان ما تطولش فى التتبيله عشان نحافظ على طعم اللحمه يعنى لما نيجى ناكلها ما نحسش اننا بناكل توابل لان التتبيله ممكن تطغى على طعم اللحوم لو طولت فيها عن اللازم
الطبخ:
فى طاسه على النار نضع معلقه من الزبده والزيت
ونسيبها تسخن ونضع شرائح الاستيك على حراره عاليه
عشان تقفل المسام وتحتفظ بعصارتها بالداخل فتظل طريه
نشوحها على الجانبين حتى تتحمر ودى تسويه مبدايه
نشيل اللحم من الطاسه وفى نفسى الطاسه
نشوح معلقتين دقيق حتى تاخد لون بنى خفيف ثم ننزل عليها باللبن
والشوربه ونتبلها بملح وفلفل ونقلب
ننزل اللحمه فى الصوص ونغطيها ونسيبها تستوى
وده شكلها بعد السوى الصوص اتركز ولونه بقى روووعه وطبعا
طعمه تحفه
فى طاسه تانيه هنشوح البصل ثم نضيف الماشروم ونقلب
ثم نضيف الفلفل ونتبلهم بملح وفلفل
وتقدم بجانب الاستيك
عملت معاه رز بسمتى اصفر وسلطة حمص بالطحينه
وسلطه خضرا ومخلل لفت من انتاجى
