كشفت الفنانة رانيا فريد شوقي عن محاولة اختطاف ابنتها من داخل منزلها، وقالت إنها تشارك الجميع بالقصة، للفت الانتباه إلى أحدث طرق خطف الفتيات المنتشرة حاليًّا في بعض المناطق النائية من العاصمة المصرية القاهرة، مؤكدة أنّ ابنتها طلبت سيارة من إحدى الشركات الشهيرة لتوصيلها لأحد الأماكن، ولكنّ السائق حاول اختطافها.
رانيا سردت تفاصيل محاولة اختطاف ابنتها عبر حسابها الشخصي بموقع الفيس بوك قائلة: بنتي كلّمتني قالتلي كنت هتخطف دلوقتي، لانها طلبت Uber وبعتلّها انه مستنيها بره، و عشان تعرف مكانه كلمت السواق قالها ده مش انا، ده حد سارق الاكونت بتاعي.
أضافت: الحمد لله ربّنا ستر، من فضلكم فهّموا أولادكم يكلموا السواق الاول، ويتأكدوا من رقم العربية و ماركتها قبل ما يركبوا اي عربية، و يبعتلكم صورة من بيانات السواق اللي هما معاه، ويركزوا مع السواق في الطريق اللي هما ماشيين فيه، عشان يتأكدوا انه ماشي صح، اللهم احفظ اولادنا واحمِهم وابعد عنهم كل شر.
رانيا أكدت في التعليقات أنها قامت بتحرير شكوى داخل إدارة الشركة، وكررت تحذيرها بعدم الاطمئنان لرسائل التواصل مع مسؤولي الشركات المماثلة، والتأكد من هوية السائق عبر الاتصال الهاتفي.
