تناقلت وسائل الإعلام خبر طلاق الممثلة السورية تولين البكري بعد يوم من إعلان زواجها.
قررت تولين أن توضح الأمر قبل أن يتناقل الإعلام أي شائعات تخص زواجها أوطلاقها.
كتبت بيان على صفحتها الخاصة على الفيسبوك تشكر فيه جميع من ساندها ووقف إلى جانبها بالأوقات الصعبة ووجهت رسالة لأهل طليقها وأهالي جميع الشبان المقدمين على الزواج.
نشرت البكري التالي :رفقاتي…حبايبي..لكل اللي فرحولي من قلبون..ولكل اللي باركولي وتمنولي الخير..بقول:الله لايحرمني منكم يارب…متل ماكنتوا معي نضاف وبقلب صافي وبمحبة فرحتوا لفرحي أنا واجبي بادلكم بنفس الصدق والصفاء وشيل كل تساؤل واشارة استفهام عم تفكروا فيها..بما أني بعد يوم من إعلان زواجي شلت كل الصور ..أنا رح واجه مشكلتي معكم لأنو أد ماخبيت مافي شي بيدوم..ومافي داعي لخبي لأني ماغلطت..بالعكس..أنا متلي متل أيا أنثى..بتحلم بالاستقرار والأمان والدفا والعيلة والحب..ارتبطت شرعآ بشب أبن عالم وناس وتزوجنا بعد ماتقدملي بشكل رسمي وحكا مع أهلي وطلبني على سنة الله ورسوله”.
ووضحت سبب رفض أهل الشاب لزواجهم للأسباب التالية: “للأسف كان لأهل هالشب اعتراض عليي ومآخذ..بما أنني مطلقة وممثلة و..و..الخ..واجبروه على فسخ عقد الزواج القائم بيننا..ماعندي شي خبيه لأني ماغلطت كل ذنبي كان أني طلبت الحلال مع هالشب..وبالنهاية كل شي لخير أكيد.وقسمة ونصيب.”
في نهاية البيان وجهت رسالة لجميع الأمهات اللواتي يبحثن عن عروس لأولادهم: : “حابة قول لكل أم عندها شب عم تدور لأبنها على عروس من وجهة نظرها أخلاق هالعروس بتنطلق من عذريتها بحب قول لهالأم..ياسيدتي عذرية الروح أهم بكتير من عذرية الجسد…وبعتذر من أهلي قدام الكل لأني حطيتون بهالموقف بدون أي ذنب..شكرآ”.
