نشرت النجمة السورية سلاف فواخرجي صورة عبر حسابها الرسمي على “انستغرام” من إحدى صالات العرض الفنية.
وعلقت سلاف على الصورة قائلة:” رحلة دوران مع الذات في جاليري ألف نون مع الدراويش و الحبق”.
ويبدو ان الامر لم يعجب احدى متابعات سلاف حيث انتقدتها بشدة بسبب نشرها صور من الاماكن التي تزورها بعد وفاة دينا هارون، حيث اعتبرت ان الامر فيه قلة احترام للوفاة وعدم مراعاة لشعور محبي دينا واهلها.
فكتبت قائلة:” يعني انا من معجبينك بس احتراما لوفاة زميلتك دينا هارون لازم ما حدا من الفنانين ينشر صورو وروحاتو وجياتو شي كم يوم عالقليلة ….ما بتأثرو الفنانين”.
فردت عليها سلاف قائلة:” مع انو مو من عادتي رد ، بس كمان نسيتي امي وخالتي واختي وخالي وخالتي وعمتي وحماتي ، فقدت سبع اشخاص بفترة قريبة ، وبالاخير زميلتي ، وماعرفت كيف رجعت للحياة بالف صعوبة وبعدني عم اتعافى … وماقصرت باتجاه زميلتي ولابيوم وبتوقع ماقصرت مع حدا، وحزني بقلبي ماعم يخلص ومو مضطرة قدم تبرير … واي زميل تضامن معي يوم حزني صدقته بالمطلق حتى لو راح واجا وعاش حياته ، الحزن بالقلب مو استعراض ، وبعدين مارحت حفلات صاخبة مثلا لتلوميني ، واعتذرت عم كل شي في مهرجانات ومقابلات لاني مو قادرة اصلا ولحتى كمان ما اسمع هيك تعليقات سهلة بالنسبة الكم بس صعبة على غيركم ، وبتوقع انو عندي درجة من الحساسية والعالية جدا ، وبتمنى تقوليلي اذا في قواعد معينة للحزن ومدة معينة لاضحك ولا لنزل صورة ولا لاحضر فن تشكيلي ولا لارجع للحياة !!! خلينا نبطل نكون اوصياء ، ونحس بالبشر … بغض النظر فنان او شي تاني … عندي حزن بيغطي الكرة الارضية والله يبعد عنك الحزن ،بتسمحيلي حاول ابتسم ولو غصب عني ، حاول عيش تفاصيل حياتي حتى ولو عم كذب على حالي … او اكتب او اسمع غنية ؟ ولو كانت هالاشيا دوا لروحي بتسمحيلي عيش”.
