طبق الياكي عندو صلصة خاصة هي الي تعطي النكهة الصينية و هاد الصالحة الياكي كتباع باتباع
المقادير
تتبيلة الدجاج
صدر دجاج + ملعقة كبيرة زيت +ملعقة كبيرة صوياصوص+ملعقة ممسوحة دقيق + توم محكوك
توابل الدجاج تكون فيها سكنجبير من الافضل طري محكوك رشة خرقوم + ابزار + رشة قرفة + قبصة قرنفل مدقوق
الارز البسمتي + ابزار ملون + ورق الغار + فص توم وزنجبيل + زبدة
للصوص الياكي
4 الى 6 معالق كبار صوياصوص+ 2 معالق واستر صوص +ملعقة كبيرة سكر بني استبدلته بالعسل +التوم + الحرور + ملعقة كبيرة زيت زنجلان
نص حامضة معصرة + ملعقة خل الارز ممكن تعملو الخل الابيض او الخل العادي + كاس كبير الماء مخلط ب ملعقة متوسطة مايزينا
لون الصوص مفتوح او غامق على حسب نوعية الصوياصوص واش المركزة او الخفيفة
الخضر المرافقة مقطعو جوليان حسب الدوق هنا استعملت
اللوبيا المسطحة + جزر+ فلفل احمر+بورو + كرمب
شمبنيون وبصل
الطريقة
نعملو التتبيلة للدجاج ونخلطو مكونات الصوص
ونسخنو المقلاة مزيان ونعملو الدجاج مع التحريك لمدة دقيقة او دقيقتين حتى يبدا يتحمر شوية
تم نضيفو الصوص على الدجاج مع التحريك ونخلي الخليط يغلى لدقيقتين على نار خفيفة نحيدو الدجاج مع الصوص ونحتفضو بالمقلاة
في نفس المقلاة نضع الخضر مع قليل من الزيت وعصرة حامض وخل وابزار ورشة ملح ونشحرها وتبقا واقفة لمدة دقيقتين على نار مرتفعة
الشومبنيون والبصل غادي نشحرو ف الزيت ورشة ملح وازار ف مقلاة اخرى
لكم الاختيار في التقديم
في حالة قدمناه مع الارز غادي نحمرو زلافة الرز مع ملعقة زبدة ونضيفو 2 زلايف الماء مع ورق الغار مع فص توم صحيح ورشة سكنجبير و ابزار الملون ممكن نعوضوع بحبات من القصبر مدقوق وابزار لمدة ربع ساعة على نار خفيفة حتى يوجد
